Биежсэн ба ариун урлагын бүтээлүүд

Энэ хөтөлбөрийн тухай

Биежсэн ариун урлагийн санаачилга нь 1000 жилийн түүхтэй Жонан Калачакра уламжлалыг хадгалж, амьд хэлбэрээр илэрхийлэхэд зориулагдсан. Бид энэ мэргэн ухаан нь зөвхөн сурвалж бичиг текст, дүрс хэлбэр, эсвэл оюуны ойлголтоор хязгаарлагдах ёсгүй гэж үздэг. Энэ нь бие, хэл, дүрсээр дамжин гэгээрэлд хүрэх зам болох амьд дадлагын тогтолцоо хэвээр байх ёстой. Энэхүү уламжлалд ариун урлаг нь чимэглэл биш юм. Тэд гэгээрлийг дэмжих нарийн арга замууд юм. Уншлагын ая дан, мутрын зөв хэлбэр, мандалын бүтэц, эсвэл бурхан дүрийн харьцаа нь бүгд утга учир бэлэгдлийг агуулдаг. Эдгээрийг үнэн зөв хадгалах нь дамжлагын бүрэн бүтэн байдлыг хадгалахад зайлшгүй шаардлагатай. Үүний зэрэгцээ, Дхарма хаана дэлгэрч байсан, тэндээ соёлын илэрхийллийг мөн авсан байдаг. Иймээс энэ санаачилга нь дараах хоёрыг дэмждэг:

• Уламжлалыг үнэн зөв хадгалах,
• Орчин цагийн ертөнцөд амьд, биежсэн хэлбэрээр үргэлжлүүлэн илэрхийлэх,

Ингэснээр зан үйл, дуу авиа, хөдөлгөөн, дүрсээр дамжин хүний илэрхийллийн бүх хүрээг тэнцвэржүүлэхэд тусалдаг. Бид Жонан уламжлалын туршлагатай бүтээлчид, йоги нартай хамтран ажиллаж, тэдний амьд өвийн чухал хэсгүүд болох уншлага, зан үйлийн хөгжим, мудра, ёслолын хөдөлгөөнийг хуваалцахыг дэмждэг—ингэснээр эдгээр дадлууд үнэн зөв, амьд, тасралтгүй дамжигдан үлдэнэ. Мөн энэ хөтөлбөр нь “амьд номын сан” болох олон дүрслэх төслүүдийг багтаадаг бөгөөд нарийн, хийсвэр тарнийн гүн ухааныг бодит хэлбэрт хөрвүүлж, уламжлалын дүрслэлийн нарийвчлалыг алдагдуулахгүй хадгалдаг. 3D мандал, танка зураг, суварга, хөшөө бүтээснээр бид бясалгал, дүрслэлийн геометрийн үндсэн загваруудыг суралцагчдад олгож, Калачакрагийн дотоод гүн хэмжээсүүдийг мэдрэхүйн түвшинд хүртээмжтэй болгодог. Хэнтрүл Ринбүүчи дүрслэлд ашиглагдах бурханы дүрүүдийн хэлбэрийн нарийвчлал маш чухал бөгөөд гажуудалгүй байх ёстойг олонтаа онцлон айлдсан.

Ариун урлагийн гурван хэмжээс

Биежсэн урлаг (Лагшин)Эдгээр дадлууд нь биеийг өөрийг нь гэгээрлийн шууд дэмжлэг болгодог бөгөөд суралцагчдад ойлголтоос хэтийдсэн замтай танилцах боломжийг олгодог. Зөвхөн оюуны судалгаанд найдахын оронд бие нь нарийн хөдөлгөөн, байрлал, дохио, амьсгал, оршихуйгаар дамжин замд оролцож сурдаг. Очир хөлгөний уламжлалд бие нь замаас тусдаа биш—харин гэгээрэл үүсэх чухал суурь юм. Эдгээр биежсэн аргуудыг хэрэгжүүлснээр дадлагажигчид сургаалын бүтэц, утгыг шууд, туршлагаар дамжин дотоодчилж эхэлдэг.

Энэ нь дараах дадлуудыг багтаана:

• Дзокден Калачакра йог — бүх хүнд нээлттэй бэлтгэл систем бөгөөд бясалгал болон дараагийн шатны дадлагад шаардлагатай биеийн болон энергийн суурийг бий болгох зорилгоор байрлал, амьсгал, хөдөлгөөнийг сургадаг
• Бясалгалын байрлал болон биежүүлэлтийн сургалт — важра суудалд тогтвортой сууж, бие доторх ухамсрыг хадгалах чадварыг хөгжүүлэх
• Очирт зургаан йогийн элементүүд (төгсгөлийн шат) — сурагчийн түвшинд тохирсон дадлууд, замын нэг хэсэг болгон нарийн биетэй шууд тулж ажиллахыг эрмэлздэг.
• Ариун бүжиг болон ёслолын хөдөлгөөн — дадлагажигчид бурханы дүрийг биежүүлж, дүрслэл, хөдөлгөөн, ухамсрыг нэгтгэн илэрхийлэх
• Мудра болон зан үйлийн дохио — дадлагад тодорхой утга, үүрэгтэй гарын байрлал болон биеийн илэрхийлэл
• Зан үйлийн хэлбэрт биеэр оролцох —тахил өргөл, ёслол, хамтын дадлагад биеэр шууд оролцох

Эдгээр аргуудаар дамжуулан суралцагчид бие доторх тогтвортой байдал, уян хатан байдал, танил байдлыг хөгжүүлдэг. Энэ нь гүнзгий шатны дадлагын нөхцлийг бүрдүүлж, сургаалийг шууд, туршлагын аргаар нэгтгэхэд дэмжлэг үзүүлдэг. Энэ хандлагад бие нь сэтгэлээс тусдаа биш бөгөөд зөвхөн түүнийг дэмжих хэрэгсэл ч биш юм. Бие ба сэтгэл салшгүйгээр хамт үйлчилдэг. Ойлголт гүнзгийрэхийн хэрээр энэ нь зөвхөн дотооддоо мэдэгдэх бус, биеэр илэрхийлэгддэг.

Ариун дуу авиа (Зарлиг)Эдгээр дадлууд нь уншлага, тарни, садхана зэргийг багтаадаг бөгөөд бэлгэдлийн эсвэл гүйцэтгэлийн илэрхийлэл биш, харин зам дахь гэгээрсэн хэлний арга замууд юм. Важраянад тарни нь энгийн дуу авиа биш. Энэ нь бурхан дүрийн өөрийнх нь хэл гэж ойлгогддог—сэрсэн ухамсрын илэрхийлэл юм. Сургалтын зорилго нь зүгээр тарни унших, дуу аялгуу хэлэх биш, харин бурхан дүртэй дотоод холбоо тогтоож, тэр гэгээрлийг дуугаар илэрхийлэх явдал юм. Үүнд Жонангийн уламжлалд хадгалагдсан уншлага, аялгуу, зан үйлийн дуу авианы уламжлалт тогтолцоог сурах багтана. Эдгээр аргууд нь санамсаргүй биш—тэд тодорхой үүрэг, нөхцөл, амьтдын төрөлтэй холбогдож, дадлагад өөр өөр зорилгоор хэрэглэгддэг. Үүний зэрэгцээ энэ сургалт нь гадаад үзүүлбэр биш юм. Энэ нь дотоодоос гарч ирэх жинхэнэ илэрхийллийг хөгжүүлэх тухай юм. Дуу авиа нь шууд холбооны хэлбэр болдог—сүсэг бишрэл, гэгээрэл, замтайгаа харилцах харилцааны илэрхийлэл билээ.

Энэ хөтөлбөр нь дараах хоёрыг дэмждэг:

• Жонан уламжлалын ариун дуу авианы аргуудыг ойлгож, хадгалах,
• Тарни, уншлагыг жинхэнэ дотоод холбооноос илэрхийлэх чадварыг хөгжүүлэх

Үүний зэрэгцээ Дхарма өөр өөр соёлд дэлгэрэхийн хэрээр тухайн соёлын хэл, хөгжмийн хэлбэр, урлагийн мэдрэмжээр илэрхийлэгдэх боломжтой байх ёстой. Ийм байдлаар ариун дуу авиа нь зөвхөн эртний Төвдийн аялгуугаар хязгаарлагдахгүй, харин Дхарма дэлхий даяар дэлгэрэх боломжийг олгохуйц жинхэнэ хэлбэрээр илэрхийлэгдэж чадна—гэвч зөв ойлголт, уламжлалд суурилсан хэвээр байна.

Гол аргууд нь::
Өөрийн ариун дуу хоолойг олох – дадлагажигчдад тарнитэй дотоодоор холбогдож, тодорхой, жинхэнэ илэрхийлэхэд дэмжлэг үзүүлэх
Умзад сургалтын курс – бүлгийн дадлагад уламжлалт аялгуу, хэмнэл, залгамж чанарыг хадгалах уншлагын удирдан явуулах зааварлагч сургах
Дзокден Дхарма дуу авианы сан – Жонан уламжлалт уншлагыг хадгалах дижитал архив
24 цагийн дэлхийн тарни уншлага – хамтын дадлагад сурагчдыг нэгтгэх жил бүрийн тасралтгүй уншлага

Эдгээр аргуудаар дамжуулан дадлагажигчид зөвхөн хэрхэн уншихыг бус, дуу авиаг замын нэг хэсэг болгон ашиглахыг сурдаг—ингэснээр хэл нь ухамсартай нэгдэж, дадлага нь гаднах зүйл биш, харин шууд биежиж илэрхийлэгддэг.

Ариун дүрс (Дүрслэх болон биет урлаг)
Үүнд урлаг, архитектур, зан үйлийн бүтээл орно::

• Танка, мандал (2D ба 3D), хөшөө, суварга
• Сүм, тахилын өргөөний дизайн
• Торма болон зан үйлийн эд зүйлс

Эдгээр хэлбэрүүд нь бясалгал болон дүрслэлийн дэмжлэг болж, дадлагажигчид сургаалтай харилцах зөв бүтцийг өгдөг.

Энэ хөтөлбөр нь мөн уламжлалын “амьд номын сан” болох томоохон төслүүдийг хөгжүүлж, Калачакрагийн дотоод хэмжээсийг нарийн гадаад хэлбэрээр хүртээмжтэй болгодог. Манай зарим төслүүдэд:

• Шамбала Дхарма хаадын танка төсөл — Ригдэн хаад болон ирээдүйн Шамбалагийн хаадыг дүрсэлсэн
• Бодит, VR болон голографик 3D Калачакра хот мандал — гүнзгий оролцоотой туршлагад зориулсан том хэмжээний, нарийн хийцийн хот мандал
• Калачакра сүмийн дизайн (Австри) — 24 мутарт Калачакра бурхны хөшөөг байрлуулах
• Важра Вега хамгаалагч хүрд — нарийвчлал болон хүртээмжийг хангах зорилгоор дижиталаар загварчлах
• Долбубагийн Харснаар гэтлэгч суваргууд — ариусгалын дэмжлэг болгон дэлхий даяар байрлуулах
• Римэ институт дахь Хуврагийн нэгдлийн суварга (Австрали) — дэлхийн зохиролд зориулагдсан хэдэн метр өндөр суварга
• Дулам Казугийн Өлзий хутагийн ордон (АНУ) — 21 Дара эхэд зориулсан гараар зурсан бяцхан хийморийн ордон
• Манал бурханы хөшөөт цэцэрлэг (Австрали) — зочид дундуур нь алхаж, оршихуйгаас нь урам авах боломжтой хэдэн метр өндөр хөшөөнүүдээр дүүрсэн Римэ ариун орон

Эдгээр төслүүд нь Дхарматай шууд учрах боломжтой бодит дэмжлэгүүдийг бий болгодог.

Бидний зорилго ба энэ нь яагаад чухал вэ

Бидний зорилго бол Жонан Калачакра уламжлалыг үнэн зөв, бүрэн амьд хэвээр хадгалах явдал юм. Амар амгалан, зохирлын Алтан эринг бодитоор бий болгохын тулд зөвхөн дотоод гэгээрэл биш, мөн түүнийг дэмжих гадаад нөхцлийг бүрдүүлэх шаардлагатай. Ариун урлаг нь Дхарматай уулзах, дадлага хийх, дотоодчлох хэлбэрийг өгдөгөөрөө чухал үүрэгтэй. Эдгээр урлаг нь замтай холбогдох зөн совингийн арга замыг өгдөг. Дуу авиа, хөдөлгөөн, дүрсээр дамжин дадлагажигчид ойлголтоос давсан танил байдлыг хөгжүүлдэг. Үүний зэрэгцээ нарийвчлалыг хадгалж, орчин үеийн илэрхийллийг дэмжсэнээр бид дараах зүйлсийг баталгаажуулна:

• Уламжлал бүрэн бүтэн хадгалагдана
• Дадлагын аргууд хэрэглэгдэх боломжтой хэвээр байна
• Ирээдүйн хойч үеийнхэн Дхармтай бүрэн хэлбэрээр учрах боломжтой болно

Уламжлалт ур чадвар болон орчин үеийн бүтээлийн аргуудыг нэгтгэснээр энэ уламжлал зөвхөн хадгалагдахгүй—харин одоо болон ирээдүйд амьд оршиж, хөгжиж, амьтанд туслах боломжтой болно.