Очирваань Бурхан болон Цагийн хүрдний Дамжлага сэдвээр Ханбрүл Ринбүчи
Австрийн Виенна хотын цагаар 19:30-аас авшгийн угтуул номын айлдвар
явуулна. Очирваань Бурхан ба Ринбүчигийн язгуурын Гүрү багш, Шамбалын
Номын Хаадын уламжлал хоорондоо хэрхэн уялддаг талаар тэр бидэнтэй
хуваалцах болно.
Орчуулга хийгдэнэ.
Нийтэд үнэ төлбөргүй бөгөөд Фэйсбүүк хуудсаар шууд лайв хийгдэж харин
монгол орчуулгатай сонсох хүмүүс Зүүм-ээр холбогдоно уу:
https://us02web.zoom.us/j/81482642080?pwd=TUlNRFRGV25kS2t6NDNXVFFYMzgrUT09
Passcode: 108108
Webinar ID: 814 8264 2080
Очирваань Бурханы Даган Соёрхол хүртэх талаар мэдээлэл авахыг хүсвэл энд
дарна уу
Илтгэгч
-
ХАНБРҮЛ РИНБҮЧИГИЙН ТУХАЙШар Ханбрүл Жамбал Лодро Ринбүчи бол 20 хүртлээ Төвдөд сарлаг маллаж тарни тоолон амьдарч явжээ. Тэрээр бодьсадва нарын уярам түүх намтрыг сонссоор бишрэл сүжиг нэмэгдэж ар гэрээ ардаа орхиж, төвдийн Буддын бүхий л гол урсгалуудын хорин-тав гаруй мастеруудаар хичээл ном заалган явсан байна. Үл алагчлах үзлийг ийнхүү баримталж явсны дүнд тэрбээр Римэ \үл-ялгаварлах үзэлт\ Мастер хэмээн нэрлэгдэх болж, бодьсадва Акашагарбагийн хувилгаан Цагийн хүрдний аугаа мастер Нагваан Чойжин Жямцын хойд дүрээр танигдсан ажээ. Хэдийгээр түүний баримтлалын гол үндэс нь энэ хорвоо дээрх олон шашны урсгалын давуу талуудыг онцлох явдал боловч тэдгээрийн дотроос өөрийн уламжилж ирсэн Жонан-Шамбалын Урсгалд онцгойлон шүтэж явдаг байна. Барууны олон эрдэмтэдийн устаж үгүй болсон гэж тооцдог энэхүү Цагийн хүрдний өндөр шатны дадлагуудыг тэрбээр дотоод бие сэтгэлийг гадаад ертөнцтэй хоршуулан зохицолдуулж амьдрах гүнзгий аргууд хэмээн үздэг билээ.
2014 оноос эхлээд Ханбрүл Ринбүчи системтэй тодорхой зааварчилгаа бүхий Цагийн хүрдний Замаар замнаж өөрийн нандин үнэнээ илрүүлэн гэгээрэлд хүрч болох талаар сурган дэлхийн гуч гаруй орноор аялаад байна. Хүмүүст сэтгэлийн уян хатан байдлаар хэрхэн ялгаварт үзлийг арилгаж, дэлхий ертөнцийг алтан эрин болгон хувиргаж болох нигүүсэл энэрэлд тулгуурласан нийгэмлэгийг бий болгох чин эрмэллэлээр ийнхүү номоо айлдан яваа нэгэн билээ.
