Ханбрүл Ринбүчи 21 ДАРЬ ЭХИЙН БОЛОН МАНАЛ БУРХАНЫ АВШИГ

ТАХИЛГЫН ТАЛААР
Амьдралын аль нэг асуудлаа хялбархнаар шийдчих юмсан гэсэн хүсэл зорилго хүн болгонд бий. Тиймээс ч тэд нэг буюу түүнээс ч олон төрлийн арга замыг ерөндгөө болгон хүсэлдээ хүрэх гэж оролддог ч тэр болгон амжилт олдоггүй билээ. Яагаад гэвэл аз хийморь авчрах нөхцөл шалтгааныг бүтээхэд уг ерөндөг дэндүү бяцхан буюу энгийн байдгаас тэр ажээ. Ямарваа нэгэн үйл бүтэхэд сая сая нөхцөл шалтгаанууд хамтдаа бүрэлдэж байж үр нь боловсордог гээд бодохоор өөрийн сэтгэлийн өгөөмөр энэрэнгүй байдал хийгээд бусад шаардлагатай нөхцлүүдийг бид тэрхүү ерөндөг дээрээ нэмэрлэж байж хүссэндээ хүрэх бололцоотой.
Та бүхэнд танилцуулж буй Жонангийн урсгалын Дулам Хацуг хэмээх энэхүү тахил өргөх үйл хийгээд түүний авшиг аз хийморь авчирч, эд баялгыг арвижуулахын шалтгааныг бүтээх хамгийн ойлгомжтой бөгөөд дэлгэрэнгүй пужа мөн бөлгөө. 21 дарь эхэд тахил өргөх энэ зан үйл зурхайн тооллын бүхий л талуутай яв цав тохирч байдаг байна. Хэрвээ бид өдөр тутамдаа байгаа гэж огт анзааран хайхардаггүй тэдгээр олон төрөл зүйл амьтанд ийнхүү тахил өргөвөл энэхүү буянт үйлийн маань үр нас нөгчихийн цагт боловсорч дараачийн төрөлд нөлөөлөх учиртай ажээ.

Зан үйлд оролцсон хүн болгоны үйлийн үрийн гажиг согог засагдан тэгширч өвчин зовлон, муу ёр адын хорлол, гай барцад ариусан арилж, түүний оронд аз хийморьтой баян тансаг, нэр хүндтэй байж эрүүл энх урт наслан, амьтны тусын тулд бурханы номыг анхааран авлага болгох боломжийг олно. Ринбүчи үүнийг цагаа олсон зөв зүйтэй үйл юмаа гэж үзсэний улмаас асар энэрэхүй сэтгэлээр бидэнд ивээлээ хайрлах гэж байна. Хамтдаа бид амгалан зохицлын Алтан Эринийг авчралцах боломжтой билээ.

Энэ үйл явдалд зориулан Ханбрүл Ринбүчи сүүлийн 5 сарын туршид тусгай хөтөлбөрийн дадлага садхана бэлтгэх, эрдэнэсийн бумба хийгээд өвөрмөц загварын танка зураг хөрөг бүтээлгэх, насны увдист сум, Хийморийн ордны 3Д загвар зэргийг хийж бүтээх үйлсэд хамаг цаг анхаарлаа зориулан зүтгэж байгаа юм. Тэдгээрийн тусламжтайгаар бид ариун эд зүйлсийг хэрэглэх эрхийг олох буюу цаашид энэхүү нандин дадлагыг бясалгал бүтээлдээ дадуулан үйлдэж байх бололцоог олж авах ажээ.

Holy Objects Being Blessed During this Puja

1. 21 Дарь эхийн  орлны талаар
2. Дулам Хацугийн хураангуй садхана
3. Эд баялаг сүр хүч даллагч эрдэнэсийн бумба
4. Дулам Хацугийн Хөрөг зураг
5. Эрх сүр Урт нас бэлэгдсэн сум
6. Хийморь бэлэгдсэн багана

RESERVE YOUR TREASURE VASE PACKAGE
Once you have registered for the event, you can learn about and reserve the consecrated blessed items here.