Буддист шүтлэгтний ёсоор төрсөн өдөр тэмдэглэх сэдвээр Ханбрүл Ринбүчигийн номын айлдвар

Цагийн хуваарь
Монголд: APRIL 16 – 9:00 PM

Энэ өдөр бид Ринбүчигийн 60 насны ойг тэмдэглэх бөгөөд дорны зурхайн тооллоор 61-ний жил орж байгаа чухал онцлогтой юм. Жаран жилд нэг тохиох зурхайн махбодын ийм тохироо дараачийн удаад 120 настайд нь тохиох тул энэ жилийг өвөрмөц байдлаар өнгөрүүлэхээр бид зорьж байгаа билээ. Тиймээс багш бидэнд төрсөн өдөр ямар учиртай түүнийг хэрхэн тэмдэглэн өнгөрүүлэх ашигтай талаар номын айлдвар хийх болно. Жил орохыг хүиүүс голдуу саад тотгор тохиолдож амь насанд халтай байх нигууртай гэж үздэг учраас бид бат оршил өргөх ёслолыг бид угтуулан хэдийнэ гүйцэтгэсэн бөгөөд мөн Манал бурхан, Маричи дарь эхийн тарнийг тоолж зориулах аяныг зохион явуулж байгаа билээ. Түүнчлэн ах дүү долоон Маналыг бүтээж залах, 21 Дарь эхийн цэцэрлэг байгуулах ажлуудыг гүйцэтгэж дуусах дөхөж байгаа юм. Төрсөн өдрөөрөө хүмүүс голдуу өөр дээрээ илүүтэй анхаарах нь элбэг байдаг талаар Ринбүчи Буддын ухааны зүгээс түүнд хариулт өгч оролцсон хүн бүхэнд өлзий хутаг, урт насны адистидыг хайрлан ерөөл унших болно.

Ринбүчи багшийн 60 насны ойг тохиолдуулан шавь нарын зүгээс түүнд зориулсан өлмий бат оршихын ерөөлийг уншиж хуврагийн өөр өөр нийгэмлэгүүдээс тахил мандал өргөх болно. Аливаа нэг тааламжгүй зүйлс бүү тахиолдоосой гэсэндээ түүнээс урьдчилан сэргийлэхийн тулд манай нийгэмлэг зохих тарни маанийг тасралтгүй уншиж урьж байгаа билээ.