МН- Онлайнаар Зорьсон бүхэн биелэх ерөөлийн аман дамжлага ба тайлбар
Курсын материалыг олж авахын тулд бүртгүүлж сургалтын төвд нэвтэрнэ үү. Энэ айлдварыг мөн Фэйсбүүкээр шууд дамжуулах болно.
Цагийн хуваарь:
10\31-ний 4:00 – 8:00 Монголын цагаар
10\30- ний 16:00 – 20:00 Нью Йоркын цагаар явагдана.
Ханбрүл Ринбүчи энэхүү ерөөлөө төгсгөлийн зэрэгт алхан ороход шавь нартаа зориулан бичсэн билээ. Зогдангийн нийгэмлэгийн гишүүд цөм энэхүү ерөөлийг ойлгож цээжилж уншдаг болохыг тэр хүсэж байгаа юм.
Сарва Мангалам
“Зорьсон бүхэн биелэх Ерөөл” хэмээх хорин-нэгэн бадагт ариун ерөөлийн шүлгийг би “Дагинасын Нууц Эрдпэнэ”-ийн хамтаар хүлээн авсан билээ.
Ирээдүйд миний шавь нар гайхамшигт шинж тэмдэг болсон энэхүү ерөөлийг цээжлэн тогтоох нь зүйтэй. Түүнийг мэдсэнээр аливаа ариун газар орон ба зүйлстэй учрах тохиолдол бүрдээ эсвэл аугаа бодьгалтай уулзах, сайхан боломж гарах тохиолдол бүхэнд энэхүү ариун ерөөлийг чин сэдлээр унших аваас цаглашгүй тусыг хүртэх нь гарцаагүй.
Шар Ханбрүл Жампэл Лодой миний бие үүнийг Эмэгчин Төмөр Үхэр жил, барууны тооллын 2021 оны 10 сарын 28-ны өдөр Тонзуг Дэчин Линд22 бичиж төгсгөв.
Жэ-о, Жэ-о, Жэ-о
Аман дамжлага болон ерөөлийн тайлбар номлолыг онлайнаар шууд нэвтрүүлэх болно. Аман дамжуулгыг Зүүм-ээр харин ерөөлийн тайлбарыг нийтэд цацах болно.
Ханбрүл Ринбүчид хандив өргөх
Авшиг дамжлага номын айлдвар айлтгахдаа багшид өглөг хандив өргөх нь нийтлэг зүйл юм. Онлайнаар хандив өргөхийг хүсвэл энд дарна уу.
Dzokden dana to Rinpoche
Speaker
-
ХАНБРҮЛ РИНБҮЧИГИЙН ТУХАЙШар Ханбрүл Жамбал Лодро Ринбүчи бол 20 хүртлээ Төвдөд сарлаг маллаж тарни тоолон амьдарч явжээ. Тэрээр бодьсадва нарын уярам түүх намтрыг сонссоор бишрэл сүжиг нэмэгдэж ар гэрээ ардаа орхиж, төвдийн Буддын бүхий л гол урсгалуудын хорин-тав гаруй мастеруудаар хичээл ном заалган явсан байна. Үл алагчлах үзлийг ийнхүү баримталж явсны дүнд тэрбээр Римэ \үл-ялгаварлах үзэлт\ Мастер хэмээн нэрлэгдэх болж, бодьсадва Акашагарбагийн хувилгаан Цагийн хүрдний аугаа мастер Нагваан Чойжин Жямцын хойд дүрээр танигдсан ажээ. Хэдийгээр түүний баримтлалын гол үндэс нь энэ хорвоо дээрх олон шашны урсгалын давуу талуудыг онцлох явдал боловч тэдгээрийн дотроос өөрийн уламжилж ирсэн Жонан-Шамбалын Урсгалд онцгойлон шүтэж явдаг байна. Барууны олон эрдэмтэдийн устаж үгүй болсон гэж тооцдог энэхүү Цагийн хүрдний өндөр шатны дадлагуудыг тэрбээр дотоод бие сэтгэлийг гадаад ертөнцтэй хоршуулан зохицолдуулж амьдрах гүнзгий аргууд хэмээн үздэг билээ.
2014 оноос эхлээд Ханбрүл Ринбүчи системтэй тодорхой зааварчилгаа бүхий Цагийн хүрдний Замаар замнаж өөрийн нандин үнэнээ илрүүлэн гэгээрэлд хүрч болох талаар сурган дэлхийн гуч гаруй орноор аялаад байна. Хүмүүст сэтгэлийн уян хатан байдлаар хэрхэн ялгаварт үзлийг арилгаж, дэлхий ертөнцийг алтан эрин болгон хувиргаж болох нигүүсэл энэрэлд тулгуурласан нийгэмлэгийг бий болгох чин эрмэллэлээр ийнхүү номоо айлдан яваа нэгэн билээ.
